Local sport Sport

Nylies skitter by atletiekbyeenkoms

Hoërskool Nylstroom het op Vrydag 25 Januarie ’n skitterende vriendskaplike atletiekbyeenkoms teen die besoekende Prestige College en Hoërskool Louis Trichardt aangebied. Herman Steyn, bekroonde fotograaf van Die Pos, was daar om die foto’s te neem.

January 31, 2019

Die Pos-span / The Post team Less than a minute

Nog ’n atleet van Hoërskool Nylstroom om hierdie seisoen dop te hou, is Tsimega Sebonego. Hy het die seuns o.15 100 m hekkies met gemak gewen.

Martin Vosloo is ’n blitsatleet wat hierdie seisoen nóg rekords gaan laat spat. Hy het op die 100 m hekkies vir seuns o.16 gewen en die bestaande rekordtyd geëwenaar. Later die aand op dieselfde byeenkoms het hy die 100 m vir seuns o.16 in ’n rekordtyd van 11,0 sekondes gewen.

Zack Blignaut van die Nylies het die gewigstoot vir seuns o.15 tydens die byeenkoms op Vrydag 25 Januarie gewen.

Danel Niemann het die Nylies se naam hoog gehou tydens die vriendskaplike atletiekbyeenkoms en die gewigstoot vir meisies o.16 met ’n nuwe rekordafstand gewen.

Akanani Hlakati laat die hoogspringitem vir seuns o.19 moeiteloos lyk. Dié Nylie wat so grasieus oor die dwarslat seil het in die eerste plek op die podium ge-staan en daar word groot dinge van hom by die interhoër verwag.

January 31, 2019

Die Pos-span / The Post team Less than a minute