EntertainmentLifestyle
Veteraantrekkers brul dié naweek op die Springbokvlakte
’n Groot gebrul gaan dié naweek op Settlers gehoor word tydens die veteraantrekker en -enjin opedag.
Die dag was verlede jaar baie gewild en gesinne het van heinde en ver gekom om deel te neem aan die pret.
Trekker- en enjingeesdriftiges kan hulle vergaap aan toentertyd se enjins wat gerestoureer is en weer soos nuwes brul. Daar sal ook ou motors te sien wees.
Besoekers kan vanaf 07:00 tot 16:00 op Saterdag 16 Maart die antieke trekkers, enjins en motors besigtig. Daar sal kosstalletjies en ’n kontantkroeg beskikbaar wees.
Vir meer inligting oor die opedag, bel vir Hannes van Heerden by tel. 082 651 2885.
