Dié twee redenaars, Mia Botha en Isebelle de Beer, van die Euphorbiaskool in Mookgophong, het pragtig gepresteer tydens die pasafgelope ronde van die ATKV-redenaarskompetisie by Hoërskool Hans Strijdom. Hulle het deurgedring na die tweede ronde wat op Vrydag 25 Mei ook by Hoërskool Hans Strijdom plaasvind.
Met die aanbreek van die koeler dae in April raak die opstaan vir skool so ’n bietjie moeiliker, maar die juniors van Laerskool Vaalwater skrik nie vir “koue” pampoen nie. Hier wag Willem Nel, Tiekie Dercksen en Shay-Anne Louw voor skool op ’n onverwagse nat en koue week op die sementblad vir die skooldag om te begin.
