Enigeen wat die afgelope Vrydag in Pretoria was en in die N1-snelweg se verkeer vasgevang was, sou opnuut besef het dat ons motorryers werklik raad nodig het.
Don Palmer is ’n wêreldbekende bestuurinstrukteur en word algemeen beskou as een van die beste motorbestuurders ter wêreld. Hy gee op Shell se webtuiste sy tien beste veiligheidswenke:
- Wees waaksaam: Kyk vooruit en hou jou opsies oop sodat jy vinnig op enige moontlike situasie kan reageer.
- Wees verantwoordelik: Dit gaan nie net oor die voertuig nie, maar waaksaamheid, konsentrasie en bewustheid sal lei tot bekwaamheid.
- Beheer jou vrees: Bestuur met vertroue en bou die nodige bestuursvaardigheid op.
- Veiligheid is ’n vaardigheid: Goeie bestuurders maak ook ongelukke. Probeer eerder om ’n veilige bestuurder as ’n goeie bestuurder te wees.
- Moenie jou eie aandag aflei nie: Los die foon en ander tegnologie. Wees eerder op die uitkyk vir gevare op die pad.
- Verwag die onverwagte: Verstaan die pad en die moontlike gevare. Meer ongelukke kan vermy word deur die moontlike gevare te voorkom.
- Ry stadiger: Vinnig ry hoort op ’n renbaan. Deur spoed te verminder is daar meer tyd om te reageer.
- Raak vertroud met die stuurwiel: Dit is die eerste en beste stuk gereedskap om ’n moeilike situasie te vermy.
- Bestuur egalig: Rem betyds en meer egalig — dit verseker beter bewustheid.
- Ken jou beperkinge: Indien die behoefte ontstaan om persoonlike vermoëns gereeld agter die stuur tot die uiterste te beproef, skryf eerder in vir ’n gevorderde bestuurskursus.
At Caxton, we employ humans to generate daily fresh news, not AI intervention. Happy reading!
