Relay 2019 gaan pret wees
Die Kankervereniging van Suid-Afrika (Kansa) bied jaarliks regoor Suid-Afrika verskeie projekte aan om groter bewustheid vir kanker te skep en een van die bekendste veldtogte is die Relay For Life.
Die plaaslike Kansa-tak bied vanjaar die Relay for Life op Saterdag 19 Oktober op die terrein van Hoërskool Warmbad aan.
Gewoonlik vind die Relay for Life regdeur die aand plaas, maar vanjaar skop die verrigtinge om 16:00 af en eindig om middernag.
Vanjaar se tema is: Celebrate our Survivors.
Sakeondernemings en gemeenskapsorganisasies kan, net soos in die verlede, weer ’n span van tien deelnemers inskryf wat op ’n aflosgrondslag om die baan loop. Daar sal ook weer spanne op staanfietse (spinning) kan trap.
Die koste verbonde aan deelname beloop R100 per volwassene en R50 vir hoërskoolleerders. ’n Donasie word gevra vir kinders (jonger as 12) wat wil deelneem.
Die hoofdoel van dié projek is om ’n geleentheid te skep om mense wat kanker oorwin het, se lewe te vier, maar ook om hulde te bring aan diegene wat die stryd verloor het. Daar word ook gepoog om mense bewus te maak van kanker.
Vir meer inligting oor die Relay for Life of navrae oor spaninskrywings, bel vir Ansie van Heerden by tel. 076 409 4444 of stuur ’n e-pos aan avheerden@cansa.org.za(.)
