Die Bela-Bela Superspar-wedren wat op Saterdag 9 November aangebied is, het vanjaar meer as 900 atlete gelok wat aan die 5 km, 10 km, 21,1 km en 42,2 km-wedlope deelgeneem het.
Hier is die deelnemers van die 21 km by die wegspringpunt. Foto: Herman Steyn
Teboho Lehaja (middel) van die Arcadia-marathonklub was die wenner van die Bela-Bela Superspar-wedloop se 42,2 km in ’n tyd van 02:29:35. Saam met hom op die foto is Neels Venter (voorsitter van die Warmbad-marathonklub) en Karel von Moltke (een van die borge) tydens die prysuitdeling. Gift Ramabele van die Top Runners-marathonklub was die eerste vrou in die 42,2 km met ’n tyd van 03:31:54. Dan Moselakwe van die Nedbank-marathonklub (01:10:40) was die wenner van die 21,1 km en Jeanette Motanyane van die Top Runners-marathonklub was die vrouewenner (01:37:35).
