Imbizo om misdaad te bekamp ’n reuse suk­ses

Die by­een­koms het om 14:00 in aan­vang ge­neem en na 17:00 is die laaste sake eers af­ge­han­del. Vol­gens AO George Ledwaba was die doel van die Im­bi­zo om die voort­durende mis­daad in die dorp te be­spreek en in­woners van die ge­meen­skap die ge­leent­heid te bied om hul in­set­te oor die voort­slepende pro­bleem te lewer.

Benewens bur­ge­mees­ter Marlene van Staden van die plaas­like mu­ni­si­pa­li­teit en van die raads­lede, was daar ook ver­teen­woord­igers van kor­rek­tiewe diens­te, maat­skap­like diens­te, die groeps­be­vel­voer­der van die polisie in Mo­di­molle, brig. Annelien Steyn, en die plaas­like stasie­bevel­voerder, kol. Mape Kekana.Genl. Jan Scheepers, twee­de in bevel van die Suid-Afri­kaan­se Polisie Diens (SAPD) in Lim­po­po en die provinsie se LUR vir ver­voer en ge­meen­skaps­veilig­heid, Dickson Masemola, het die ver­hoog ge­deel en was paraat met in­lig­ting vir die in­woners.

Voor die aan­vang van die Im­bi­zo het die plaas­like veiligheids­groepe en die GPF met Masemola en Scheepers by die po­li­sie­sta­sie in die dorp ver­ga­der. Daar is be­sluit dat die GPF sal her­struk­tu­reer om meer ef­fek­tief te funk­sio­neer.

Die meeste van die in­wo­ners se klag­tes was ge­mik teen die plaas­like po­li­sie wat daar­van be­skul­dig is dat hulle traag is om te rea­geer op op­roep­e wan­neer mis­daad in Sek­tor 1 aan­ge­meld word.
In­wo­ners het dit dui­de­lik ge­maak dat hulle on­veilig voel en dat hul­le nie op die po­li­sie kan staat­maak vir be­skerm­ing nie.

Op sy beurt het Scheepers in­wo­ners aan­ge­moedig om enige ver­dag­te of lak­se op­trede van po­li­sielede di­rek aan hom te rap­por­teer en hy het sy per­soon­like sel­nom­mer aan die ge­hoor ver­skaf.

Hy het hom ook sterk uit­ge­spreek teen boere wat on­wet­tige im­mi­gran­te in diens neem en selfs so­ver ge­gaan om te be­lowe dat die­gene wat hulle hier­aan skul­dig maak ook in heg­te­nis ge­neem sal word.

Die hoë werk­loos­heidsyfer in die dorp was ook een van die knel­punt­e wat be­spreek is en dit word gedeeltelik toe­ge­skryf aan die in­diens­ne­ming van buite­lan­ders.

Masemola het in sy toe­spraak die in­wo­ners ver­sek­er van sy onder­steun­ing en dat hy daarna streef om mis­daad uit te roei en so­doen­de ’n vei­lig­e woon­plek aan in­wo­ners te bied.