Inwoners briesend oor beseerde kat

Graeme Al­berts, ’n in­wo­ner, het aan Die Pos ge­sê hy het by sy bu­re bewerings ge­hoor van ’n in­wo­ner wat glo op dié dag ’n kat met ’n graaf ge­slaan het.

Die be­seer­de kat is deur die bu­re ge­vind waar die dier vas­ge­vang was in een van die ga­pings van ’n na­bygeleë wo­ning se pa­li­ssa­de­hei­ning.

Al­berts het ge­sê dr. Ma­rius du Toit, plaas­li­ke vee­arts, is ge­kon­tak. Die kat het glo erg ver­wil­derd voor­ge­kom toe Du Toit op­ge­daag het.

“Die kat is vir X-stra­le ge­neem waarna ’n wind­buks­koe­ël in die kat se rug­string ont­dek is,” het Al­berts ge­sê. “Die X-stra­le het ook ge­toon dat daar be­se­rings aan die lin­ker­kant van die kat se lyf was wat vermoedelik deur die graaf veroorsaak is. On­ge­luk­kig was die kat se toe­stand só beroerd dat die dier van kant gemaak moes word.”

Al­berts sê hy het probeer om ’n klag by die Be­la-Be­la-po­li­sie te lê, maar daar is aan hom ge­sê dat die eie­naar van die dier self die klag moet lê.

Dit is ingevolge die na­sio­na­le vuur­wa­pen­wet on­wet­tig om ’n wind­buks in ’n woongebied af te vuur en straf­reg­te­li­ke stap­pe kan teen oorteders gedoen word.

Al­berts sê hy sien hier­die voor­val in ’n baie ern­sti­ge lig, om­dat hy en sy ge­sin se kat­te ook al deur­ge­loop het. Hy het gesê hy het self al in die verlede van sy katte met wind­buks­koe­ëls in hul ly­we na die die­re­kli­niek gebring vir be­han­de­ling.

Al­berts vra dat die eienaar van die kat hom bel by tel. 083 302 8646.