Inwoners bekommerd oor ambulansdiens én buurtwag

Die Pos het op Vry­dag 3 A­pril be­ves­t­iging ge­kry dat APA-am­bu­lans­diens­te (Advanced Paramedic Assist) sy deure amp­te­lik in die Waterberg sluit.

Wer­ner van Roo­yen, hoof van APA, het dit be­ves­tig.

Dit is ’n groot slag vir Waterbergers wat altyd met lof van dié onderneming gepraat het.

Van Rooyen het ge­sê APA sal steeds mense van­uit Gau­teng kan bedien. “Ons is dank­baar vir die Wa­ter­ber­gers se on­der­steu­ning deur die j­are, maar op dié stadium is ons ge­nood­saak om al­le pa­ra­me­die­se werk weens ver­skei­e in­ter­ne re­des te staak.”

An­dy Gill, wat APA in die Wa­ter­berg-om­ge­wing be­stuur het, het vroe­ër ge­sê hy is besig om ’n nu­we am­bu­lans­diens op die been te bring, maar die pro­ses is nog nie af­ge­han­del nie.

Am­bulans­diens­te word as nood­saak­li­ke diens beskou tydens die ko­ro­na­vi­rus-pan­de­mie.

Waterbergers is verder ook bekommerd omdat buurt­wag­le­de in terme van die landwye inperkingsmaatreëls nie hul wo­onplekke mag verlaat nie. Inwoners steun swaar op die onderskeie buurtwagte om misdaad in die omgewing te help bekamp.

ADVERTENSIE / ADVERTISEMENT

Ingevolge dié beperking is die po­li­sie en weer­mag tans al­leen­lik ver­ant­woor­de­lik vir men­se se vei­lig­heid.

Ja­nes Bos­hoff, lid van die Plaas­li­ke-vei­lig­heids­re­ak­sie­span (RSRT-buurt­wag), het by na­vraag aan Die Pos ge­sê buurt­wag­le­de sal steeds die no­di­ge hulp kan bied indien daar ’n me­die­se noodge­val in Be­la-Be­la is en ’n am­bu­lans ge­reël moet word. Daar is ook verskeie ander beperkte dienste wat hulle steeds aan inwoners kan bied.

Hy het gesê dit is be­lang­rik dat men­se juis nou by hul buurt­wag­te in­ska­kel.

* Vir nood ­ge­val­le kan inwoners die on­der­skei­e buurt­wag­voor­sit­ters kon­tak: Deon Beu­kes by tel. 083 308 9502 of Chris Es­ter­hui­zen by tel. 082 807 7933.

Die be­skik­ba­re am­bu­lans­diens in Be­la-Be­la is Life24 en kan be­reik word by tel. 082 040 5003 of tel. 082 430 2066.

Die pro­vin­sia­le EMS-am­bu­lans­diens kan be­reik word by tel. (014) 718 3800 of tel. 082 734 2054.

Baie dankie aan Sound Ear sonder wie se hulp die plasing van dié aanlynberig nie moontlik sou wees nie.