Mu­ni­si­pa­li­teit nie be­kom­merd oor wa­tervlak

Verskeie inwoners van Bela-Bela het die afgelope ruk laat weet dat hulle bekommerd is oor die dorp se watersituasie.

Fo­to’s van die ou Warm­bad-dam buite Be­la-Be­la, wat duidelik wys hoe laag die watervlak is, word wyd op sosiale media gedeel. Bewerings word ook gemaak dat waterverbruik hoër as normaalweg is omdat mense tydens die inperkingstyd meer water gebruik.

Vol­gens Ti­nus Ras, DA-raads­lid, toon een van dié foto’s dat die dam­vlak baie laag is.

“Ons is on­se­ker of die hoe­veel­heid be­skik­ba­re wa­ter daag­liks die dorp se re­ser­voirs kan vul. Dié dam voorsien nie net water aan die dorp nie, maar ook aan na­bygeleë boe­rege­meen­skappe,” het hy ge­sê.

Die mu­ni­si­pa­li­teit het egter aan Die Pos gesê daar is nie rede tot kommer nie.

ADVERTENSIE / ADVERTISEMENT

Ka­be­lo Mo­si­to, mu­ni­si­pa­le woord­voer­der, het kort en kragtig aan Die Pos gesê: “Daar is op hier­die sta­dium niks om oor be­kom­merd te wees nie.”

Ras het gesê hy was in gesprek hieroor met Sel­lo Mak­hu­be­la, mu­ni­si­pa­le be­stuur­der.

“Die mu­ni­si­pa­li­teit neem aan dat die dam­vlak oor twee we­ke, wanneer die inperkingstyd verby is, sal her­stel,” het Ras gesê.

Intussen maak die dorp staat op Ma­ga­lies Wa­ter, wat 45% van die dorp se water verskaf.

Ras het ’n be­roep op in­wo­ners gedoen om water spaarsaam te gebruik terwyl hulle tot hul woonhuise beperk is.

Baie dankie aan PEG Electrical sonder wie se hulp die plasing van dié aanlynberig nie moontlik sou wees nie.