Gerhardus Lottering van die Mad Coffee-winkel in Bela-Bela het dié eenvoudige, maar lekker pampoenpofferresep met Die Pos gedeel.
Bestanddele:
- 750 ml gaar fyngemaakte pampoen
- 2 groot eiers
- 500 ml bruismeel
- 15 ml bakpoeier
- 5 ml sout
- Olie vir diepbraai
Stroop:
- 500 ml suiker
- 250 ml water
- 125 ml melk
- 60 ml margarien
- 10 ml mielieblom met ’n bietjie koue water
Metode:
- Meng al die bestanddele, behalwe die olie, goed saam.
- Braai lepels vol van die beslag in warm, diep olie tot bruin.
- Dreineer op kombuispapier.
- Pak poffertjies in ’n glasbak.
Stroop:
Kook al die bestanddele saam totdat die suiker opgelos het. Gooi oor die gaar poffertjies.
