Dié leerders aan Hoërskool Hans Strijdom in Mookgophong het die hoogste akademiese gemiddeld in elke graad vir die derde kwartaal behaal. Op die foto is Cecilia Pauer (gr. 12), Ané Beukes (gr. 11), Jolindie Booysen (gr. 10), Neil Lourens (gr. 9) en Janco van der Walt (gr. 8).
Willie Nel, uitlegkunstenaar van Die Pos, oorhandig ’n stapel splinternuwe boeke aan Yvonne Munnik en Makkie Nel van Nuwe Begin Akademie Tuisonderrig in Bela-Bela. Die boeke sal aangewend word vir die skool se nuwe biblioteek. Die skenking is moontlik gemaak danksy Protea Boekhuis en Die Pos.
