’n Dorp bid saam

Hoërskool Warmbad het op Vrydag 22 Februarie ’n oproep op die gemeenskap van Bela-Bela gedoen om saam met hulle te kniel en die seën te vra op die gemeenskap, maar ook vir die 56ste Bosveld Interhoër waarvan hulle vanjaar die gasheerskool was.

Oud en jonk het om 06:00 dié oggend op die skool se atletiekbaan bymekaar gekom.

Die gebed is gelei deur ds. Otto Clasen van die NG Moedergemeente wat aanwesiges gevra het om hande te vat en stil te word terwyl die eerste sonstrale oor die dorp neergedaal het.