Charles Weber, Bela-Bela, skryf:
Die stank en onaangename reuke wat besoekers begroet wanneer hulle Bela-Bela nader of verlaat, laat ’n blywende indruk.
Mense wat van die plaaslike vliegveld gebruik maak, word oorweldig deur die reuke. Die inwoners van die nabygeleë dorpsontwikkeling, en selfs besoekers aan die Bela-Mall, word gereeld hieraan blootgestel.
Besoekers aan ons dorp sal beslis wonder of dié dorp se rioolwerke op standaard is en ’n huiwering laat ontstaan om ’n volgende besoek te beplan.
Verder is rondloperbeeste ’n groot gevaar vir motorryers op hierdie pad. Hoewel die probleem al verskeie kere aangemeld is, het daar dadels van gekom.
Ons ingange is ontsierend en dra nie ’n positiewe beeld van vooruitgang aan toeriste uit nie. Behalwe vir rommel wat oral te sien is, pryk verslete en verbleikte advertensieborde lewensgroot.
My mening is dat van hierdie advertensies nie aan die regulasies voldoen nie.
My pleidooi is dat ons munisipaliteit dringend aandag aan die genoemde probleme langs die toegangsroete na Bela-Bela sal aanspreek en daadwerklike verbeterings sal aanbring om sodoende ons gaste beter ontvang.
