Community galleries Galleries

Geite en giere…

Wat gebeur in en om die Waterberg?

September 6, 2018

Die Pos-span / The Post team Less than a minute

Toktokkie van Kansa het by Laerskool Nylstroom en die Brakanjan-speelgroep in Modimolle gekuier. Carli-Louise Jacobs en Liliana Goncalves het tydens die besoek as dansers opgetree met Gavin Smith as Smokie. Die leerders is gewys hoe om sonslim te wees deur sonroom aan te smeer en ’n breërandhoed te dra. Skole en kleuterskole wat deel wil wees van die projek, kan gerus vir Ansie van Heerden (langs Smokie) bel by tel. (014) 717 3950 of 076 40 4444 of vir Diane Trollip by tel. 071 443 6658.

Add as a preferred source on Google

Kansa se Toktokkie het op Maandag 20 Augustus die leerders van Laerskool Warmbad en Bosveldspruitjies Kleuterskool besoek. Toktokkie het aan die leerders vertel hoe belangrik dit is om gesond te eet sodat ons liggame genoeg vitamines en minerale kan kry. Megan Trollip, Angelina Cortez, Carla Groothof en Janke Nortjé, vier Warries, het lekker op die verhoog saam met Toktokkie gedans.

Rata, ’n hulporganisasie in Modimolle, het met dankbare harte ’n groot skenking van kos, skoonmaak- en babaprodukte van leerders van Laerskool Nylstroom ontvang. Dié voorraad sal aan gesinne in nood gegee word. By die kinders staan Nanri Fourie, een van die onderwysers, en Hempies du Preez, skoolhoof.

(Warmpatat) Prettige Pappa!
Francois Grobler van Bela-Bela het tydens Bosveldspruitjies Kleuterskool se superheldatletiekaand op Woensdag 29 Augustus al dié moeite gedoen om soos die regte Batman te lyk om sy dogtertjie trots te maak.

Johan (77) en Fransie (76) Marx, jarelange inwoners van Bela-Bela, gaan die Bosveld ná 27 jaar vir die stad verruil wanneer hulle na Pretoria verhuis. Die egpaar was die afgelope sewe jaar die bestuurspan van Intaba Indle in Bospoort. Hulle bedank almal wat deel van hul lewens was en laat mooi Bosveld-herinneringe agter.

September 6, 2018

Die Pos-span / The Post team Less than a minute

Support local journalism

Add Die Pos as a Preferred Source on Google and follow us on Google News to see more of our trusted reporting in Google News and Top Stories.

Add as a preferred source on Google