Dié twee bekkige maats, Mckayla Vermaak, met “Drako”, en Mia Prinsloo van die Waterbergskool vir CVO in Modimolle het aan die ATKV-drama en kultuurfees deelgeneem met ’n samespraak “Die crazy kostuum”. Hulle het die gehoor lekker laat lag. Hulle spog met ’n A-simbool.
Melienke Vermaak, ’n leerder aan die Waterbergskool vir CVO in Modimolle, het tydens die vakansie aan die Suid-Afrikaanse talentkampioenskap (SATCH) in klavier deelgeneem en uitstekend gevaar. Sy het vier silwer medaljes verower (83%, 82%, 82% en 80%) en was met een van haar items eerste in die genre. Sy ontvang lesse by die Hoërskool Warmbad-musieksentrum.
