Slagoffers getraumatiseerd nadat “polisiebeamptes” hulle op N1-snelweg beroof

Volgens die polisie het die voorval tus­sen die Mant­so­le-weeg­brug en die af­rit na Be­la-Be­la en Set­tlers plaas­gevind toe ro­wers ’n Scania-trok ge­kaap het.

Vol­gens sers. Frans Ma­pon­ya, Be­la-Be­la-po­li­sie­woord­voer­der, was twee Ma­la­wie­se mans op Woens­dag 22 Mei on­der­weg in ’n noordelike rigting toe hul­le kort voor 22:00 deur ’n “po­li­sie­voer­tuig”, ’n Toyota Quan­tum-mi­ni­bus met ’n blou lig op die pa­neel­bord, af­ge­trek is.

“’n Kastige po­li­sie­be­amp­te, wat ’n Me­tro-po­li­sie T-hemp en khaki­kleurige broek ge­dra het, het die bestuurder van die trok ge­na­der en hom vir sy be­stuurs­li­sen­sie ge­vra. Die bestuurder is toe ge­vra om uit te klim en na die mi­ni­bus te stap waar nog ’n kastige beampte uit­ge­klim en ’n vuur­wa­pen op hom ge­rig het,” het Ma­pon­ya ge­sê.

Die bestuurder se pas­sa­sier is na die mi­ni­bus ge­bring waar hul­le be­veel is om in te klim en plat op die sit­plek­ke te lê. Daar het die twee slag­of­fers drie an­der mans in gewone kle­re gesien wat glo deel van die groep ro­wers was, het Ma­pon­ya ge­sê.

Die ro­wers het toe met die trok én met die mi­ni­bus van die to­neel weg­ge­ry.

Die Ma­la­wie­se mans is na ’n on­be­ken­de plek ge­neem waar hul­le af­ge­laai is. Hul­le het op ’n ma­nier die Palm Pla­za Cal­tex-vul­sta­sie langs die snel­weg be­reik en die po­li­sie ontbied. Niemand is tydens die voorval beseer nie.

Die waar­de van die trok en vrag word op ongeveer R1 mil­joen beraam, het Ma­pon­ya ge­sê. ’n Saak van gewapende roof word on­der­soek.

“Ons raai motorryers aan om versigtig te wees wanneer hulle snags op die snelweg ry en om enige ongerymdhede dadelik aan te meld,” het Maponya gesê.

• Die vyf ver­meen­de N1-ro­wers wat op Don­der­dag 4 A­pril by die Krans­kop-tol­hek in ­heg­te­nis ge­neem is, se hof­saak duur in­tus­sen voort.Frans Ba­loyi (45), Fi­go Ma­di­sha (30), Si­pho­sih­le Tshe­pi­so Ma­hlan­gu (31), Den­nis Ho­ba (33) en John Fine (33) is aan­ge­keer na­dat hul­le glo ’n groep bui­te­lan­ders, ook van Ma­la­wi, na­by die Settlers-Cod­ring­ton oor­brug langs die snel­weg be­roof het, het die po­li­sie vroe­ër ge­sê.Die vyf is aan­ge­kla van ge­wa­pen­de roof, die be­sit van on­ge­li­sen­sieer­de vuur­wa­pens, af­per­sing en die be­sit van vermoedelik ge­steel­de eien­dom.Hul­le sou op Vry­dag 24 Mei in die Bela-Be­la-land­dros­hof ’n borg­tog­aan­soek ge­bring het, maar die saak is in­tus­sen na Woens­dag 5 Ju­nie uitgestel.