Simon Malebane (61) en Daniël Ngoagamobe (59) is op dié dag dood aangetref op die plaas bekend as Redwing in die Klippan-omgewing.
Malebane, ’n bekende sakeman en eienaar van die plaas, is naby die plaashuis dood gevind. Hy het vermoedelik beswyk nadat hy aangerand is en ernstige beserings opgedoen het, het die polisie gesê. Malebane was ’n naweekboer.
Ngoagamobe, ’n plaaswerker, is dood naby die plaashuis gevind met ’n skietwond.
Volgens die polisie was albei mans vasgebind.
Die polisie kon sover vasstel dat ’n handwapen wat glo aan Malebane behoort het, asook kontant ter waarde van ongeveer R200 000, uit die kluis in die huis gesteel is.
Die polisie het kunstenaarsketse van drie mans uitgereik wat die polisie kan help in die ondersoek.
Mense met inligting word gevra om kapt. Renier Schutte, ondersoekbeampte, by die Bela-Bela-polisiestasie te besoek of te bel by tel. 082 565 9051, of die stasie by tel. (014) 736 9733/9755.
