Die Bosveld-stapklub in Modimolle het die naweek van 23 November ’n heerlike jaarafsluiting by die Nylsvley-natuurreservaat aangebied. Erkenning is gegee aan van die klublede en nuwe bestuurslede. Die klub begin op Woensdag 15 Januarie met die nuwe jaar se bedrywighede. Mense wat belangstel om by die klub aan te sluit, kan tel. 072 181 8126 skakel. Op die foto is die stappers tydens ’n dag uit in die veld.
’n Rolbalspan van die Nylstroom-rolbalklub het met die eerste prys weggestap in die Avbob-rolbaltoernooi wat op Donderdag 28 November by die Nylstroom-klub se bane gehou is. Op die foto is Job Schoeman, Ansie Nobbs, René Pallas (borg), Hendrik Maritz, Mike Gornall en Chis du Plessis (president van die Nylstroom-rolbalklub).
Die derde plek tydens die Avbob-rolbaltoernooi wat op Donderdag 28 November by die Nylstroom-rolbalklub se bane gehou is, het ook aan ’n span van die Warmbad-rolbalklub gegaan. Op die foto is Chris du Plessis (president van die Nylstroom-rolbalklub), Juanita Greeff, Jan Greeff, Steph Vermeulen, Isabel Botha en René Pallas (borg).
Dié span van die Warmbad-rolbalklub was tweede tydens die Avbob-rolbaltoernooi wat op Donderdag 28 November by die Nylstroom-rolbalklub se bane gehou is. Op die foto is Chris du Plessis (president van die Nylstroom-rolbalklub), Tonie Rossouw, Hettie Rossouw, Howard Holtzhausen, Norman Bibby en René Pallas (borg).
